اسير الغرام

الى التي حيرني وصفها
.........................
يمكن مـــــو بشر هذا الأوصفنه
ساحة مـــوت صدره وواسعه عيونه

فنـه الشــــاف خده وما رجف فنــه
والطــاح بغرامه لا تلومـــــــــونه

من طول الهدب وظله على جفنــه
عيونه موزمه والهرب خيــــعونه

وردة ليــــــــل شفته وياعطر جنه
وهالتهت بغرامه وصـرت مفتونه

ياعطر الورد كل سـاعه أشمنـه
أبيع الروح لجله وأني ممنونــه

يمشي عالكلب بهـــــيده وبرنه
تيهت الدرب يانــــاس دلونــه

شعره الليل كله والصدر غنه
سوباط العنب فنكم تلوحونـه

شبه بدر الطلع والنجم حاطنه
صلو عالنبي خايف تحسدونه

أدخل عالحسين وعالنبي منه
سودني الحلو خلاني مفتونه

ريـته بدنيته محبوبي يتهنه
محفوظ بعلي والكل يحرسونه
.............